Doqquz ayda Şəkidə ödənişli xidmətlərin həcmi 4,6 faiz artıb
Şəki, 3 noyabr, Mustafa Dadaşov, AZƏRTAC
Koronavirus pandemiyası ilə əlaqədar ölkə ərazisində bir sıra xidmət sahələrinə qoyulmuş məhdudiyyətlərin aradan qaldırılması nəticəsində cari ilin 9 ayında Şəki rayonunda əhaliyə göstərilən ödənişli xidmətlərin həcmi artıb. Belə ki, bu ilin yanvar-sentyabr aylarında rayon əhalisinə 73 milyon 724,1 min manatlıq ödənişli xidmət göstərilib. Bu, ötən ilin müvafiq dövrü ilə müqayisədə 6 milyon 317 min manat və ya 4,6 faiz çoxdur.
Bu barədə AZƏRTAC-ın bölgə müxbirinə Şəki Şəhər Statistika İdarəsindən məlumat verilib.
Bildirilib ki, müddət ərzində əhaliyə göstərilən ödənişli xidmətlərin 91,6 faizi fiziki, 8,4 faizi isə hüquqi şəxslərin payına düşüb.
2021-ci ilin yanvar-sentyabr aylarında Şəki rayonunda əmtəə dövriyyəsinin ümumi həcmi 339 milyon 140,5 min manat olub. Əmtəə dövriyyəsinin, yəni satılmış malların 11,4 faizi hüquqi şəxslər, 88,6 faizi isə ticarətlə məşğul olan fərdi sahibkarlar tərəfindən realizə olunub.
Bölmənin digər xəbərləri
