DOQQUZ ƏRƏB LİDERİ BEYRUT ZİRVƏ GÖRÜŞÜNƏ KETMƏYƏCƏK
22 ərəb dövlətindən doqquzunun - İraq, Qətər, Küveyt, Liviya, Mavritaniya, Birləşmiş Ərəb Əmirlikləri, Oman, Səudiyyə Ərəbistanı və Sudanın başçıları Beyrut zirvə görüşünə getməyəcəkdir. Alınmış xəbərlərə görə, Fələstin lideri Yasir Ərəfatın olduğu Rəmallahla /İordan çayının Qərb sahili/ telekörpü yaradılması məsələsinə təcili qaydada baxılır. Bununla da Ərəfata görüşün açılışında əyani şəkildə iştirak və onun iştirakçılarına nitqlə müraciət etmək imkanı verilir. Bunun üçün Beyrutun “Finisiya intənəşnl” mehmanxanasının konfrans salonunda çox böyük teleekran qoyulmuşdur.
Ərəb Dövlətləri Cəmiyyətin baş katibi Əmr Musa və Misir Prezidenti Hüsni Mübarək Livanın kütləvi informasiya vasitələrinə müsahibələrində Fələstin Milli Muxtariyyəti başçısının Beyruta gələcəyi təqdirdə “tələyə” düşə biləcəyindən narahat olduqlarını söyləmişlər. Onlar vurğulamışlar ki, İsrailin baş naziri Ariel Şaron Ərəfatın olmamasından İordan çayının Qərb sahilində və Qəzzə bölməsində muxtariyyətin son rəmzlərinin ləğvi üçün istifadə edə və sonra da Ərəfatın Rəmallaha qayıtmasına imkan verməyə bilər.
İTAR-TASS-ın yaydığı xəbərə görə, Əmr Musa həm də Ərəfata “Livana səfəri naminə güzəştə getməməyi” məsləhət görmüşdür. Əmr Musa demişdir: “Əgər Ərəfat Beyruta gəlməsə, onda qalan bütün ərəb dövlətlərinin nümayəndə heyətləri Fələstini təmsil edəcəklər”.
Bölmənin digər xəbərləri
