Dörd ayda Azərbaycan Gürcüstanın əsas ixrac tərəfdaşı olub
Tbilisi, 19 may, AZƏRTAC
Yanvar-aprel ayları ərzində Gürcüstan Azərbaycandan 221,8 milyon ABŞ dolları dəyərində məhsul idxal edib. Bu da ötən ilin eyni dövrü ilə müqayisədə 5,9 faiz azdır.
AZƏRTAC xəbər verir ki, bu barədə Gürcüstan Milli Statistika İdarəsinin hesabatında deyilir.
Bildirilir ki, cari ilin ilk 4 ayında Azərbaycan Gürcüstanın ümumi idxalında 9 faiz paya malik olub. Bununla da Azərbaycan Türkiyə və Rusiyadan sonra Gürcüstanın üçüncü əsas idxal tərəfdaşı olub.
Yanvar-aprel aylarında Gürcüstandan Azərbaycana 145,1 milyon dollarlıq məhsul ixrac olunub. Bu da illik müqayisədə 13,9 faiz çoxdur.
Hesabat dövründə Azərbaycan Gürcüstanın ümumi ixracında 14,5 faiz payla qonşu ölkənin birinci əsas ixrac tərəfdaşı olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
