DÖVLƏT DEPARTAMENTİ ERMƏNİPƏRƏST KONQRESMENLƏRƏ CAVAB VERMİŞDİR
Konqresin ermənipərəst üzvlərinin bu fikirlərinə Dövlət Departamenti cavab vermişdir. Departamentin mətbuat katibi Şon MakKormak gündəlik brifinqdə bəyan etmişdir ki, ABŞ-ın Dağlıq Qarabağa dair siyasəti dəyişməz qalır. “Biz, ATƏT-in Minsk qrupunun gördüyü işi, həmçinin Azərbaycan və Ermənistanın Dağlıq Qarabağ münaqişəsini həll etmək səylərini dəstəkləyirik və siyasətimizdə dəyişiklik yoxdur”.
Xatırladaq ki, bu ilin fevral ayında Birləşmiş Ştatlar Ermənistan-Azərbaycan, Dağlıq Qarabağ münaqişəsinə dair rəsmi mövqeyini “ABŞ və Dağlıq Qarabağ” başlıqlı faktlar siyahısı şəklində yaymışdır. O zaman vurğulanmışdı ki, “Birləşmiş Ştatlar Dağlıq Qarabağı müstəqil dövlət kimi tanımır, onun hakimiyyəti nə beynəlxalq birlik, nə də ABŞ tərəfindən tanınır. ABŞ Azərbaycanın ərazi bütövlüyünü dəstəkləyir və hesab edir ki, Dağlıq Qarabağın gələcək statusu tərəflər arasında danışıqlar nəticəsində müəyyənləşməlidir”.
Bölmənin digər xəbərləri
