Dövlət Departamenti Yunanıstana F-35 təyyarələri və digər sistemlərin satışını təsdiqləyib
Bakı, 27 yanvar, AZƏRTAC
Dövlət Departamenti Yunanıstana 8,6 milyard dollar dəyərində F-35 qırıcı təyyarələrinin və müvafiq avadanlıqların mümkün satışını təsdiqləyib.
AZƏRTAC xəbər verir ki, bu barədə Pentaqon məlumat yayıb.
Söhbət 40-a qədər qırıcı, 42 ədəd mühərrik, istiqamətləndirici sistemlər, ehtiyat hissələri və digər avadanlıqların alınmasından gedir. Pentaqon bildirib ki, bu texnikanın tədarükü ABŞ-ın döyüş hazırlığına zərər gətirməyəcək və regionda “əsas hərbi balansı dəyişməyəcək”.
Əsas podratçılar “Lockheed Martin” və “Pratt & Whitney” olacaq.
Bölmənin digər xəbərləri
