DÖVLƏT KİTABXANASI MİLLİ ƏDƏBİYYATIMIZI DÜNYA OXUCULARINA ÇATDIRACAQ
M.F.Axundov adına Respublika kitabxanası hazırladığı “Maşınla oxunan elektron kataloqunun yaradılması” layihəsinə görə Açıq Cəmiyyət İnstitutunun (SOROS) , Avrasiya Fondunun, ABŞ-ın ölkəmizdəki səfirliyinin kitabxana və informasiya əməkdaşlarının təlim mərkəzinin keçirdikləri müsabiqədə ümumi məbləği təxminən 95 min ABŞ dolları olan qrant udmuşdur.
Kitabxananın direktor müavini Mələk Hacıyeva AZƏRTAC- a bildirmişdir ki, alınan qrant kitabxanamızın işində yeni fəaliyyət sahələrinin yaradılması üçün geniş imkanlar açacaq. Onlardan ən başlıcası kitab fondumuzun elektron kataloqunu yaratmaqdır. Bu işi həyata keçirməklə biz dünya oxucularlına və internet istifadəçilərinə milli ədəbiyyatımız haqqında ətraflı məlumat verə biləcəyik. Bununla da kitab fondumuzun dünya miqyasında təbliğatı xeyli genişlənəcəkdir.
Bölmənin digər xəbərləri
