Dövlət Miqrasiya Xidməti pandemiya dövründə gücləndirilmiş rejimdə fəaliyyət göstərib
Bakı, 20 may, AZƏRTAC
Dövlət Miqrasiya Xidməti pandemiya dövründə Operativ Qərargahın tövsiyələrinə uyğun olaraq, fasiləsiz və gücləndirilmiş rejimdə fəaliyyət göstərib. Bu gün “ASAN xidmət” mərkəzləri fəaliyyətini bərpa etdiyinə görə miqrasiya xidmətləri üçün müraciət etmək istəyənlər oraya gedə bilərlər. Vətəndaşlar regional miqrasiya idarələrinə də müraciət edə bilərlər.
AZƏRTAC xəbər verir ki, bunu DMX-nin rəisi Vüsal Hüseynov mayın 20-də keçirdiyi onlayn mətbuat konfransında deyib.
Xidmət rəisi vurğulayıb ki, pandemiya ilə əlaqədar olaraq, readmissiya məsələləri bütün dünyada dayandırılıb. Bu məsələ ilə bağlı xarici tərəfdaş qurumlar məlumatlandırılıb. Sərhədlər bağlanan gündən Azərbaycana geri qaytarılma həyata keçirilməyib.
Bölmənin digər xəbərləri
