Dövlət Miqrasiya Xidmətinin rəisi vətəndaşların növbəti videoqəbulunu keçirəcək
Bakı, 24 avqust, AZƏRTAC
Dövlət Miqrasiya Xidmətinin (DMX) rəisi Vüsal Hüseynov tərəfindən vətəndaşların videoqəbulu keçiriləcək.
DMX-dən AZƏRTAC-a bildiriblər ki, videoqəbul avqustun 28-də saat 15:00-da reallaşacaq. İştirak etmək istəyən vətəndaşlar Xidmətin rəsmi internet səhifəsi (https://migration.gov.az/contacts/appointment) vasitəsilə qəbula yazıla bilərlər.
Bunun üçün saytın “Qəbula yazıl” bölməsindən müraciət edən şəxsin özü (şəxsiyyətini təsdiq edən sənədləri təqdim etməklə) və ya nümayəndəsi (bunu təsdiqləyən rəsmi sənədlər təqdim edilməklə) qeydiyyatdan keçməlidir. Müraciətin səbəbi aydın və ətraflı göstərilməlidir.
Bölmənin digər xəbərləri
