DÖVLƏT PROQRAMININ HƏYATA KEÇİRİLMƏSİ DİQQƏT MƏRKƏZİNDƏDİR
AZƏRTAC-ın müxbiri xəbər verir ki, Mingəçevirdə “Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı”nın icrası ilə bağlı qarşıda duran vəzifələrə həsr olunmuş müşavirə keçirilmişdir. Şəhər icra hakimiyyətinin başçısı Məhəbbət Qarabağlının məruzəsi dinlənilmiş, çıxışlar olmuşdur. Mingəçevirdə müvəqqəti məskunlaşmış 20 min qaçqın və məcburi köçkünün yaşayış şəraitinin və maddi vəziyyətinin yaxşılaşdırılması, məşğulluğunun təmin edilməsi üçün görülmüş işlər, mövcud nöqsanlar geniş təhlil edilmiş, Dövlət Proqramının tam həyata keçirilməsi üçün geniş tədbirlər planı müəyyənləşdirilmişdir. Azərbaycan Prezidenti İlham Əliyevin 412 ailəlik təzə qəsəbənin açılış mərasimində iştirakı və söylədiyi nitqi minnətdarlıqla vurğulanmışdır.
Bölmənin digər xəbərləri
