Dövlət Vergi Xidməti: Hesabatın vaxtında təqdim olunmamasına görə maliyyə sanksiyası tətbiq edilir
Bakı, 28 noyabr, AZƏRTAC
Transmilli şirkətlər qrupuna daxil olan və məcmu gəliri 750 milyon avronun manat ekvivalentindən çox olan rezident müəssisə tərəfindən vergi orqanına qanunla müəyyən edilmiş hesabatın vaxtında təqdim olunmamasına görə maliyyə sanksiyası tətbiq edilirmi?
AZƏRTAC Dövlət Vergi Xidmətinə istinadla xəbər verir ki, Vergi Məcəlləsinin 16.9-cu maddəsinə əsasən, hesabatın müəyyən edilmiş müddətdə, formada və qaydada təqdim edilməməsinə görə vergiödəyicisinə maliyyə sanksiyası tətbiq olunur.
Vergi Məcəlləsinin 2023-cü il yanvarın 1-dən qüvvəyə minmiş müddəalarına uyğun olaraq, ölkələrarası hesabatın müəyyən edilmiş müddətdə, formada və qaydada təqdim olunmamasına görə maliyyə sanksiyasının məbləği 500 manatdan 10.000 manatadək artırılıb.
Bölmənin digər xəbərləri
