Dubaydan Bakıya gömrük nəzarətindən gizli qızıl külçələr gətirilməsinin qarşısı alınıb
Bakı, 3 sentyabr, AZƏRTAC
Hava Nəqliyyatında Baş Gömrük İdarəsinin əməkdaşlarının həyata keçirdiyi gömrük nəzarət tədbirləri nəticəsində qızıl külçələrin qanunsuz şəkildə gömrük sərhədindən keçirilməsinin qarşısı alınıb.
Dövlət Gömrük Komitəsindən AZƏRTAC-a bildirilib ki, Dubay-Bakı aviareysi ilə gələn ölkə vətəndaşı şəxsi yoxlamaya cəlb olunub və onun üzərindən gömrük nəzarətindən gizlədilən ümumi çəkisi 712 qram olan 10 ədəd “Pamp” markalı qızıl külçə aşkar edilib.
Faktla bağlı araşdırma aparılır.
Bölmənin digər xəbərləri
