DÜNYA AZƏRBAYCANLILARININ HƏMRƏYLİYİ GÜNÜ MÜNASİBƏTİLƏ GÖZDƏN ƏLİL UŞAQLAR ÜÇÜN BAYRAM KONSERTİ VERİLMİŞDİR
Mərkəzin şöbə müdiri Ofelya Cabbarova bütün varlığını və həyatını xalqının işıqlı gələcəyinə həsr etmiş ümummilli liderimiz Heydər Əliyevin dünyanın müxtəlif guşələrində məskunlaşmış həmvətənlərimizin birliyi naminə gördüyü işlərdən, soydaşlarımızla əlaqələrin mövcud vəziyyətindən danışmış, mərasim iştirakçılarını qarşıdan gələn Dünya azərbaycanlılarının həmrəyliyi günü və Yeni il bayramı münasibətilə təbrik etmişdir.
Mərkəzin əməkdaşlarının və məktəbin şagirdlərinin ifa etdikləri mahnı və rəqslər, şeirlər tədbir iştirakçılarında xoş ovqat yaratmışdır.
Qonaqlar şagirdlərin əl işlərindən ibarət sərgiyə də baxmışlar.
