DÜNYA AZƏRBAYCANLILARININ HƏMRƏYLİYİ GÜNÜMÜNASİBƏTİLƏ İSTANBULDA TƏDBİR KEÇİRİLMİŞDİR
Ölkəmizin İstanbuldakı Baş Konsulluğunun, Azərbaycan Mədəniyyət və Həmrəylik Dərnəyinin təşəbbüsü ilə keçirilmiş bu maraqlı tədbirdə İstanbul Valiliyi və Böyük Şəhər Bələdiyyəsinin, ictimaiyyətin nümayəndələri, Azərbaycan diasporunun təmsilçiləri, burada işləyən azərbaycanlı ziyalılar və tələbələrimiz iştirak etmişlər.
Tədbirdə çıxış edən respublikamızın İstanbuldakı Baş konsulu İbrahim Nəbioğlu və şəhər ictimaiyyətinin nümayəndələri Azərbaycan xalqını bu əlamətdar gün münasibətilə təbrik etmişlər. Bu bayramın təsis olunmasının təşəbbüskarı və dünyanın müxtəlif ölkələrində yaşayan azərbaycanlıların birliyi və həmrəyliyi naminə misilsiz işlər görmüş ümummilli liderimiz Heydər Əliyevin əziz xatirəsi ehtiramla anılmış, onun qardaş Türkiyədə fəaliyyət göstərən müxtəlif dərnəklərə və diaspor təşkilatlarına daim diqqət və qayğı göstərdiyi vurğulanmışdır.
Tədbir iştirakçıları Azərbaycan Prezidenti İlham Əliyevin rəhbərliyi ilə son illər ölkəmizdə iqtisadi, sosial və humanitar sahələrdə əldə olunmuş nailiyyətlərdən bəhs edən sənədli filmə baxmışlar.
Sonda azərbaycanlı tələbələr rəngarəng konsert proqramı ilə çıxış etmişlər.
Bölmənin digər xəbərləri
