DÜNYA BANKININ QRANT MÜSABİQƏSİNƏ YEKUN VURULMUŞDUR
Noyabrın 1-də Azərbaycan Dövlət İqtisad Universitetində müsabiqənin qalibləri ilə müqavilələr imzalanmışdır. Dünya Bankı tərəfindən ayrılmış 31 min ABŞ dolları 7 QHT arasında bölüşdürülmüşdür.
2006-2007-ci illər üçün nəzərdə tutulmuş kiçik qrantlar proqramı çərçivəsində keçirilmiş müsabiqəyə təhsildə islahatlar, şəffaf idarəetmə və antikorrupsiya, səhiyyə, vətəndaşların maarifləndirilməsi, gənclərin vətəndaş cəmiyyətinə inteqrasiyası, sosial müdafiə tədbirləri, yoxsulluğun aradan qaldırılması və iqtisadi inkişaf mövzularında layihələr təqdim olunmuşdu.
