DÜNYA ÇEMPİONATINI İDARƏ EDƏCƏK HAKİMLƏR MARTIN AXIRINDA MƏLUM OLACAQ
AZƏRTAC xarici KİV-lərə istinadla xəbər verir ki, Almaniyada futbol üzrə dünya çempionatının həlledici mərhələsini idarə edəcək baş hakimlərin adı martın 31-də məlum olacaqdır. Beynəlxalq Futbol Təşkilatının (FİFA) martın 21-25-də Frankfurtda təşkil edəcəyi seminarda 44 namizəd sınaqdan çıxarılacaqdır. FİFA-nın hakimlər komitəsi növbəti seminarda psixoloji və oyun qaydalarına aid testlərdən uğurla çıxan, eləcə də ingilis dilini səlis bilən referilərə etimad göstərəcəkdir.
Dünya çempionatını idarə etməyə namizədlərin 6 nəfəri Asiya, Afrika, Mərkəzi və Şimali Amerikadan, 7-si Cənubi Amerikadan, 2-si Avstraliya və Okeaniyadan, 17 hakim isə Avropa ölkələrindəndir.
Bölmənin digər xəbərləri
