DÜNYA ÇEMPİONATININ TƏŞKİLATÇILARI BİLET SATMAĞI BACARDIQLARINI SÜBUT ETDİLƏR
Bekkenbauer dünya çempionatının iştirakçıları ilə Düsseldorfda keçirilən görüşdə demişdir: “Bu ittihamlar bizi çox əsəbiləşdirir. Bilirdik ki, bilet məsələsi ən qəliz işlərdən biri olacaqdır. Bu, çox incə məsələdir və biz onu FİFA ilə azı 20 dəfə müzakirə etmişik. Biz hər addımımız barədə onlara məlumat vermişik. Ona görə də Blatterin belə şərhlərlə çıxış etməsi mənə aydın deyildir”.
Artıq indinin özündə məlumdur ki, dünya çempionatının oyunlarına arzu edənlərin hamısı bilet ala bilməyəcək, çünki təşkilatçılara gündə 100 minədək sifariş göndərilir. Möhtəkirlərlə mübarizə üçün ad yazılan hər bir biletdə mikroçip yerləşdirilibdir. Odur ki, stadiona ancaq bileti olanlar keçə biləcəklər. Lakin bu texnologiya bir suala aydınlıq gətirmir: biletin sahibi xəstələnsə, yaxud ölsə, onun biletindən necə istifadə ediləcəkdir? Təşkilatçıları narahat edən məsələlərdən biri də budur.
Bölmənin digər xəbərləri
