DÜNYA HEYVANLARI MÜHAFİZƏ CƏMİYYƏTİNİN NÜMAYƏNDƏLƏRİ MDB MƏKANINDA İLK REABİLİTASİYA MƏRKƏZİNDƏ OLMUŞLAR
Azərbaycan Heyvanları Mühafizə Cəmiyyətinin sədri Azər Qarayev AZƏRTAC-ın müxbirinə bildirmişdir ki, səfərdən məqsəd Avropa Şurasının “Ev heyvanlarının mühafizəsi üzrə Konvensiya”sı ilə bağlı hüquqi məsələlərin və sahibsiz heyvanların populyasiyasının humanist üsullarla idarə olunması problemini müzakirə etmək, habelə Bakı zooparkının vəziyyəti və Altıağac Milli Parkının ərazisində yaradılan MDB məkanında yeganə reabilitasiya mərkəzi ilə tanışlıq idi.
Qonaqlar Ekologiya və Təbii Sərvətlər Nazirliyində, digər əlaqədar təşkilatlarda bir sıra görüşlər keçirmişlər.
