DÜNYA KİNOSUNUN 110 İLLİYİ QEYD EDİLİR
Dekabrın 28-də dünya kinosunun 110 ili tamam olur.
Mədəniyyət nazirinin müavini, xalq artisti, Dövlət mükafatı laureatı, Avropa Kino və Televiziya, Avrasiya Televiziya akademiyalarının, Rusiya Kino İttifaqı Beynəlxalq Şurasının üzvü, kinorejissor Vaqif Mustafayev AZƏRTAC-ın müxbiri ilə söhbətində bildirmişdir ki, Azərbaycan kinosu dünya kinosunun tərkib hissəsi olduğu üçün bu, bizim də bayramımızdır. Bayram münasibətilə həmkarlarımı, bütün kinosevərləri təbrik edirəm.
Əhval-ruhiyyəmiz yüksəkdir. Bunun başlıca səbəbi sahəyə dövlətin, dövlət başçısının qayğısıdır. Azərbaycan kinosunun ümummilli liderimiz Heydər Əliyevin səyləri sayəsində dirçəlib inkişaf etdiyini hamımız minnətdarlıq hissi ilə xatırlayırıq. Məhz onun qayğısı ilə kino mədəniyyət sahələri arasında öz layiqli yerini tutub, kinematoqraf dövlətin maddi və mənəvi dəstəyini daim hiss edibdir. Qürur hissi ilə bildirirəm ki, indi bu xətti Prezidentimiz İlham Əliyev davam etdirir. Ölkəmizin başçısı kinematoqraf əməyinə yüksək qiymət verir. Bu ilin avqustunda Azərbaycan kinosu günü bayram edilən zaman Prezidentin Sərəncamı ilə kino xadimlərindən 4 nəfərə xalq artisti, 8 nəfərə əməkdar incəsənət xadimi, 2 nəfərə əməkdar artist, 6 nəfərə əməkdar mədəniyyət işçisi adı verilmişdir. Möhtərəm Prezidentimiz mənim də əməyimi qiymətləndirmiş, xalq artisti adı vermişdir. Bu qayğıya və diqqətə görə dövlətimizin başçısına minnətdarlığımı bildirirəm.
Bölmənin digər xəbərləri
