DÜNYADA ƏN NAZİK FOTOAPARAT
İTAR-TASS xəbər verir ki, Yaponiyanın “Kasio” şirkəti dünyada ən nazik fotoaparat yaratmışdır. Rəqəmli kameranın qalınlığı cəmi 11 millimetr, uzunluğu 8, eni 5 santimetrdir.
Aparat qalınlığına görə kredit kartı ilə müqayisə edilə bilər və vizit vərəqələri cibliyində asanlıqla yerləşir. 1,5 milyon piksel elektron-optik dəyişdiricisi olan 100 qramlıq kamera yaddaşında 500-dək şəkil saxlayır. Bir kadrın çəkiliş sürəti 1,5 saniyədir. Fotoaparat Yaponiya mağazalarında iyul ayında, beynəlxalq bazarda isə bir ildən sonra satışa çıxarılacaqdır. “Möcüzə-kamera”nın qiyməti təxminən 300 dollar olacaqdır.
Bölmənin digər xəbərləri
