ƏDLİYYƏ NAZİRLİYİNDƏ GÖRÜŞ
Nazirliyin mətbuat xidmətindən AZƏRTAC-a bildirmişlər ki, Azərbaycanda aparılan demokratik hüquqi islahatlar, bununla bağlı Ədliyyə Nazirliyinin üzərinə düşən yeni vəzifələr barədə səfirə məlumat verən nazir bir çox sahələrdə səmərəli əməkdaşlığın əhəmiyyətini vurğulamışdır.
Görüşdə məhkəmə-hüquq islahatının davam etdirilməsi, Azərbaycan Prezidenti İlham Əliyevin tapşırığı ilə məhkəmə fəaliyyətinin təkmilləşdirilməsi, hakimlərin müstəqilliyinin təmin edilməsi üzrə görülən işlər barədə də qonağa məlumat verilmişdir.
Ölkəmizdə həyata keçirilən demokratik islahatların əhəmiyyətini qeyd edən səfir Rino Harniş Azərbaycanla ABŞ arasında faydalı əməkdaşlığın bundan sonra da davam etdiriləcəyini vurğulamış, terrorçuluqla qlobal mübarizədə ölkəmizin səylərini yüksək qiymətləndirdiyini və qarşılıqlı fəaliyyət üçün geniş imkanların olduğunu söyləmişdir. Diplomat müxtəlif sahələrdə, o cümlədən hakimlərin və digər hüquqşünasların tədrisi üzrə ölkəsinin müvafiq yardım göstərməyə hazır olduğunu bildirmişdir.
Söhbət zamanı humanitar təşkilatların və iş adamlarının Azərbaycanda fəaliyyəti ilə bağlı məsələlərə toxunularaq, hüquqi şəxslərin dövlət qeydiyyatı haqqında yeni qanunvericiliyinin əhəmiyyəti vurğulanmış, faydalı fikir mübadiləsi aparılmışdır.
Görüşdə ədliyyə nazirinin müavini Toğrul Musayev iştirak etmişdir.
Bölmənin digər xəbərləri
