ƏFQANISTAN TARİXİNDƏ İLK DƏFƏ OLARAQ QADIN ÖLKƏ PREZİDENTLİYİNƏ NAMİZƏDLİYİNİ İRƏLİ SÜRƏCƏK
AZƏRTAC-ın ərəb informasiya mənbələrindən aldığı xəbərə görə, 40 yaşlı uşaq həkimi, Kabil Universitetinin keçmiş professoru Məsudə Cəlal Əfqanıstanda iyunda keçiriləcək prezident seçkilərində namizədliyini irəli sürmək qərarına gəlmişdir.
Xanım Cəlal ölkənin bütün əyalətlərində xeyli səs toplayacağına əmindir. O, Əfqanıstanda ilk demokratik seçkilərə qadının da qatılmaq hüququ qazanmasını ölkə üçün mühüm irəliləyiş hesab edir.
Xatırladaq ki, bu hüququ onlara ölkənin yanvarın 26-da qəbul olunmuş yeni Konstitusiyası vermişdir. Əsas Qanunda kişilərin və qadınların hüquqları bərabərləşdirilmişdir.
Bölmənin digər xəbərləri
