Əfqanıstanda “Taliban”ın hücumu nəticəsində 8 nəfər həlak olub
Bakı, 6 sentyabr, AZƏRTAC
Əfqanıstanın şimalında yerləşən Tahar əyalətində “Taliban” hərəkatının nəzarət-buraxılış məntəqələrinə hücumu nəticəsində azı səkkiz nəfər həlak olub, altı nəfər isə yaralanıb.
AZƏRTAC Sinxua informasiya agentliyinə istinadla xəbər verir ki, əyalətin qubernatoru Məhəmməd Cavad Hicrinin məlumatına əsasən, insident sentyabrın 6-na keçən gecə qeydə alınıb. Həlak olanların altısı hərbçi, ikisi isə evlərinə mərmi düşən dinc sakinlərdir.
Əfqanıstanda hökumət qüvvələri və kənd rayonlarında xeyli üstünlüyə yiyələnərək böyük şəhərlər istiqamətində hücumları genişləndirən “Taliban” hərəkatının silahlıları arasında qarşıdurmalar uzun müddətdir davam edir. Həmçinin ölkədə İŞİD qruplaşmasının da fəallığı artır. Milli müdafiə və təhlükəsizlik qüvvələri beynəlxalq koalisiyanın hərbi dəstəyi ilə bütün ölkə ərazisində silahlı qruplaşmalara qarşı birgə əməliyyatlar keçirirlər.
Bölmənin digər xəbərləri
