ƏFQANISTANIN ŞİMALINDA YENİ YERALTI TƏKANLAR
Əfqanıstan Müdafiə Nazirliyinin nümayəndəsi Gülbəddin bildirmişdir ki, ölkənin şimalındakı Baqlan əyalətinin məruz qaldığı güclü zəlzələnin qurbanlarının sayı martın 27-də səhər baş vermiş yeni yeraltı təkanlardan sonra kəskin surətdə artmışdır.
O demişdir ki, martın 25-26-da baş vermiş silsilə yeraltı təkanlar nəticəsində həlak olanların sayı, ilkin məlumata görə, iki min nəfərdən çoxdur. Baqlan əyalətindəki Nəhrin rayon mərkəzi daha çox zərər çəkmişdir. 10 min əhalisi yaşayan şəhər, əslində, yerlə-yeksan olmuşdur.
İTAR-TASS xəbər verir ki, Əfqanıstanın müvəqqəti hökuməti dünya birliyinə təcili humanitar yardım göstərmək çağırışı ilə müraciət etmişdir.
Daxili işlər naziri Yunis Qanuni etiraf etmişdir ki, hökumət faciənin nəticələrinin öhdəsindən gəlmək iqtidarında deyildir.
Bölmənin digər xəbərləri
