Əfsanəvi “Beatles” qrupunun gitarası hərracda rekord qiymətə satılıb
London, 31 may, AZƏRTAC
Britaniyanın məşhur rok qrupu “The Beatles”ın (“Bitlz”) üzvü Con Lennonun istifadə etdiyi gitara hərracda 1.5 milyon funt sterlinqə satılıb.
AZƏRTAC xəbər verir ki, bu gitaranın “Beatles” tarixində hərracda ən baha qiymətə satılan musiqi aləti olduğu güman edilir. 50 ildən çoxdur ki, işlədilməyən gitara Britaniyanın kəndlərindən birində yaşayan cütlük tərəfindən evin çardağında tapılıb.
Gitara məşhur qrupun 1965-ci il albomu və “Help!”adlı filminin çəkilişində istifadə olunub.
Hərracdan əvvəl gitaranın 485 - 647 min funt sterlinq arasında alıcı tapacağı ehtimal edilirdi.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
