EHUD OLMERT ÜZR İSTƏYİR
AZƏRTAC-ın İTAR-TASS-dan aldığı xəbərə görə, İsrailin Baş naziri Ehud Olmert bu yaxınlarda Livan sahilləri yaxınlığında baş vermiş hadisə ilə əlaqədar AFR kansleri Angela Merkeldən üzr istəmişdir. Oktyabrın 24-də İsrailin qırıcı təyyarələri Almaniyanın patrul gəmisi ətrafında dövrə vurmuşdur. İsrail tərəfinin versiyasına görə, həmin gəmidən havaya xəbərdarlıqsız hərbi vertolyot qalxmışdır. Lakin israillilər atəş açmamışlar. Görünür, adətən, hərbi uçuşlar, zamanı atılan raketvuran piropatronlar atəş kimi qəbul olunmuşdur.
Baş nazirin dəftərxanasından bildirmişlər ki, Olmert telefon söhbətində son həftələr baş vermiş anlaşılmazlıqlara görə üzr istəyərək, Almaniya hərbçilərinin Livandakı sülhməramlı fəaliyyətinin vacibliyini vurğulamışdır.
Bölmənin digər xəbərləri
