EKOLOQLAR AĞACLARIN KƏSİLMƏSİ FAKTLARINI AŞKAR ETMİŞLƏR

27.05.2006 [19:46]
Çap et
A⁺ A^-

Azərbaycan Ekologiya və Təbii Sərvətlər Nazirliyi əməkdaşlarının keçirdikləri reydlər zamanı bir sıra qanun pozuntuları aşkar edilmişdir. Nazirliyin mətbuat xidmətindən AZƏRTAC-ın müxbirinə bildirmişlər ki, nazirliyin 4-cü ərazi bölməsi Bakı-Quba magistral yolunun kənarında ağacların kəsilməsi faktını aşkara çıxarmışdır. Fakt üzrə iddia irəli sürülmüş və M.Zəniyev 50 manat 0,5 qəpik məbləğində cərimə olunmuşdur.

Sumqayıt şəhərinin 3-cü mikrorayonunda da eyni fakt üzə çıxarılmışdır. Təqsirkar F.Səfiyevə qarşı iddia irəli sürülmüş və o, 220 manat 51 qəpik məbləğində cərimə ödəmişdir. Sumqayıtın M.Əsədov küçəsində (17-ci mikrorayon) ağacların kəsilməsinə görə A.İsmayılov 35 manat 3 qəpik məbləğində cərimə olunmuşdur.

Ekoloqlar Abşeron rayonunun ərazisindən qanunsuz olaraq qum daşıyan sürücü X.Aslanovu saxlamışlar. Sürücüyə qarşı iddia irəli sürülmüş və o, 47 manat məbləğində cərimə olunmuşdur.

EKOLOQLAR AĞACLARIN KƏSİLMƏSİ FAKTLARINI AŞKAR ETMİŞLƏR

MÜƏLLİFLƏ ƏLAQƏ

Bölmənin digər xəbərləri