EKSON-AZƏRBAYCAN ŞİRKƏTİ KƏND TƏSƏRRÜFATI LAYİHƏLƏRİNİ MALİYYƏLƏŞDİRİR
Şirkətdən AZƏRTAC-ın müxbirinə bildirmişlər ki, ayrılan vəsait hesabına qaçqın və məcburi köçkünlər üçün kənd təsərrüfatı avadanlığı alınmışdır. BXK-nın iqtisadçılar qrupu assosiasiya üzvləri üçün biznesin inkişafı üzrə təlim kursları keçirmişdir. Assosiasiya üzvləri ekspertlərin köməyi ilə günəbaxan, taxıl, yem bitkisi və kökümeyvəli bitkilərin becərilmə texnologiyasını da öyrənirlər.
BXK ilə Qarabağ Regional Fermerlər Assosiasiyası üç rayonun hər birində təcrübə aparmaq məqsədi ilə 13 hektar sahəyə buğda toxumu səpmişlər. Məhsul yığıldıqda toxumluq buğdadan digər rayonlara da veriləcəkdir.
Komitənin Azərbaycan üzrə direktoru Braun Koks layihələrlə əlaqədar demişdir ki, biz özəl bölmə ilə əməkdaşlığa böyük əhəmiyyət veririk. Ekson Mobil şirkətinin maliyyə dəstəyi kənd təsərrüfatı kimi əsas bölmənin davamlı inkişafını təmin etmək üçün icmalarla daha sıx əlaqə saxlamaq üçün geniş imkanlar açır.
Bölmənin digər xəbərləri
