Ekvadorda torpaq sürüşməsi nəticəsində bir ailənin dörd üzvü həlak olub
Bakı, 18 fevral, AZƏRTAC
Ekvadorun sahil əyalətində torpaq sürüşməsi nəticəsində bir ailənin dörd üzvü həlak olub.
AZƏRTAC xəbər verir ki, bununla bağlı ölkənin Milli Risklərin İdarə Edilməsi Katibliyi məlumat verib. Bildirilib ki, torpaq sürüşməsi Portovyexo şəhərində bir evi uçurub, daha bir nəfər ağır xəsarət alıb.
Ölənlər arasında iki azyaşlı var.
Milli Risklərin İdarə Edilməsi Katibliyinin məlumatlarına görə, yanvardan bəri torpaq sürüşmələri nəticəsində ölənlərin sayı 9-a çatıb.
Bölmənin digər xəbərləri
