“EL-OBA” EVLƏRİ LAYİHƏLƏNDİRƏNLƏRİN, TİKƏNLƏRİN VƏ BU EVLƏRDƏ YAŞAYANLARIN JURNALIDIR
AZƏRTAC-ın müxbiri xəbər verir ki, bankların, sığorta şirkətlərinin, tikinti təşkilatlarının, müxtəlif istehsal və satış firmaları nümayəndələrinin iştirak etdiyi mərasimi jurnalın direktoru Eldara Əliyeva açaraq yeni mətbu orqanın məqsəd və məramından danışmışdır. O demişdir ki, tikinti, dizayn, müxtəlif inşaat materialları və aksesuarları, mebel, sanitariya texnikası və sair mövzuları işıqlandıracaqlar. Yaradıcı kollektiv çalışacaqdır ki, adamlara evlərini işıqlandırmaqda, gözəlləşdirməkdə və isitməkdə yardımçı olsun. Eyni zamanda dar “tikinti çərçivəsi” ilə məhdudlaşmayacaq, ixtisasından, peşəsindən və yaşından asılı olmayaraq, hamını maraqlandıran jurnal buraxacaqlar.
Baş redaktor əvəzi Rauf İmanov, marketinq şöbəsinin müdiri Ramin Hacıyev, əməkdaşlar - tanınmış jurnalist Qalina Mikeladze və əməkdar inşaatçı Arif Şahbazov jurnalı daha oxunaqlı etmək üçün planlarından danışmışlar.
“Caspian Propety Servise”, “Trastmebel” şirkətlərinin, “Çernin və tərəfdaşları” hüquq firmasının nümayəndələri və başqaları yaradıcı kollektivi təbrik etmiş, təkliflərini bildirmişlər.
