Elçin Quliyev: Bakı Marafonu artıq ənənəvi tədbirə çevrilib
Bakı, 13 may, AZƏRTAC
“Bakı Marafonu 2018” çox gözəl təşəbbüsdür. Bu təşəbbüsə biz də qoşulmuşuq. Bu yarışda iştirakımızla gənclərimizə nümunə göstəririk.
AZƏRTAC xəbər verir ki, bu fikirləri Heydər Əliyev Fondunun təşəbbüsü ilə keçirilən “Bakı Marafonu 2018”in iştirakçısı, Dövlət Sərhəd Xidmətinin rəisi, general-polkovnik Elçin Quliyev deyib.
Bakı Marafonunun artıq ənənəvi tədbirə çevrildiyini qeyd edən Elçin Quliyev deyib: “Bu cür tədbirlər insanların kütləvi və mütəmadi şəkildə idmanla məşğul olmalarına töhfə verəcək. Gənclərimiz fiziki cəhətdən sağlam böyüməli, idmanla məşğul olmalı, Vətənimizə layiqli vətəndaş kimi formalaşmalıdırlar”.
Bölmənin digər xəbərləri
