Elektron imza ilə işləyən “pul kisəsi”
Bakı, 26 oktyabr, AZƏRTACRabitə və Yüksək Texnologiyalar Nazirliyinin Məlumat Hesablama Mərkəzi (MHM) “GoldenPay” şirkəti ilə birlikdə ölkəmizdə yeni layihə olan “Elektron pul kisəsi”nin tətbiqinə hazırlaşır.
Mərkəzdən AZƏRTAC-a bildirilib ki, “Elektron pul kisəsi”ndən bütün növ elektron imza kartlarının sahibləri faydalana biləcəklər. Bunun üçün hesab MHM-də açılacaq.
“Elektron pul kisəsi” texnologiyası, o cümlədən onun prosessinqi Məlumat Hesablama Mərkəzinin proqram təminatı əsasında aparılacaq və heç bir xarici şirkətdən asılılıq olmayacaq. Bu texnologiyanın üstünlüklərindən biri də ondan ibarətdir ki, ödəniş prosesində vətəndaş hesabında qalan vəsaiti dərhal görə biləcək və kart məlumatları prosessinqə avtomatik ötürüləcək.
Layihənin ilin sonunadək istifadəyə verilməsi gözlənilir.
Bölmənin digər xəbərləri
