ƏLİ İSMAYILOVLA VADİM TOKAREV ARASINDA CAVAB GÖRÜŞÜ KEÇİRİLƏCƏKDİR
AZƏRTAC xarici KİV-lərə istinadla xəbər verir ki, həvəskar boks üzrə Azərbaycan yığma komandasının sabiq kapitanı, hazırda peşəkar boksda ölkəmizi təmsil edən Əli İsmayılovla İBF versiyası üzrə qitələrarası çempion rusiyalı Vadim Tokarev arasında cavab görüşü keçirilməsi haqqında razılığa gəlinmişdir.
Xatırladaq ki, bu boksçular arasında bir neçə gün əvvəl Kazanda keçirilmiş reytinq döyüşündə V.Tokarev həmyerlimizi 8-ci raundda texniki nokautla məğlub etmişdir.
V.Tokarevlə cavab görüşünün yarım ildən tez olmayaraq, Bakıda təşkil edilməsi nəzərdə tutulmuşdur.
Bölmənin digər xəbərləri
