ƏLİCANÇAY ÜZƏRİNDƏ SU BƏNDİNİN TİKİNTİSİ BAŞA ÇATMAQ ÜZRƏDİR
Şəki, 3 avqust (AZƏRTAC). Şəkinin Cəyirli kəndinə yaxın ərazidən axan Əlicançay üzərində inşa edilən su bəndi və 14 kilometr uzunluğunda kanal istismara verilmək ərəfəsindədir.
İnşasına 2006-cı ildə başlanılan bu nəhəng hidrotexniki qurğunun tikintisini “Azərsutikinti” Səhmdar Cəmiyyəti Şəki Su-Tikinti Törəmə Müəssisəsinin kollektivi aparır.
Regionların sosial-iqtisadi inkişafı Dövlət Proqramı çərçivəsində inşa edilən bu qurğunun işə düşməsi nəticəsində rayonun uzun illər quraqlıq problemi ilə üzləşən “Trud düzü” və “Sarıca” ərazilərində 4 min hektardan artıq sahənin suvarılması təmin olunacaqdır. Eyni zamanda Cəyirli, Şəki kənd, Quşçuluq və digər kəndlərin içməli su ilə təchizatı daha da yaxşılaşacaqdır.
Bölmənin digər xəbərləri
