Naxçıvan Şəhər Əlillərin Sosial Müdafiəsi İdarəsinin rəisi Abbas Hacıyev
AZƏRTAC-ın müxbirinə demişdir ki, əlil vətəndaşların sosial müdafiəsinin gücləndirilməsi məqsədi ilə ardıcıl tədbirlər həyata keçirilir. Cari ildə şəhərin Əliabad qəsəbəsində 36 mənzilli yaşayış binası, müxtəlif rayonlarda 7 ev tikilərək Qarabağ müharibəsi əlilləri və şəhid ailələrinin istifadəsinə verilmişdir. Cari ilin 8 ayı ərzində 41 nəfərə 2048 manat məbləğində maddi yardım göstərilmişdir. Əlillərin müalicəsi sahəsində Əlillərin Bərpa Mərkəzinin, Bakı Ortopedik-Protez Bərpa Mərkəzinin xidməti daha çoxdur.
Ötən il Moskva, Kiyev və Ukraynanın Saki şəhərlərinə müalicə üçün 8 əlil göndərilmişdisə, bu ilin 8 ayı ərzində 10 nəfər Saki sanatoriyasında, 3 nəfər isə Rusiyanın müxtəlif səhiyyə müəssisələrində müalicə olunmuşdur.
Hazırda inşası sürətlə aparılan və ilin sonunadək istifadəyə veriləcək Uşaq Bərpa Mərkəzi azyaşlı əlil uşaqların sağlamlığının bərpasında mühüm rol oynayacaqdır.
