“ELİT” FERMER TƏSƏRRÜFATINDA MƏHSUL TOPLANIR
Ağcabədinin Təzəkənd kəndindəki M.Ə. Sabir adına “Elit” toxumçuluq fermer təsərrüfatında məhsul yığımına başlanmışdır. Təsərrüfatda görkəmli seleksiyaçı alim Cəlal Əliyevin yaratdığı “Ruzi -84”, “Əzəmətli”, “Nurlan-99”, “Qiymətli-2/17” taxıl sortları əkilib beçərilmişdir. Fermer təsərrüfatının rəhbəri, əməkdar kənd təsərrüfatı işçisi Cümşüd Şıxəliyev müxbirimizə bildirmişdir ki, bu uğurlar ölkəmizdə biotexnoloji əkinçiliyin əsasını qoymuş dünya şöhrətli seleksiyaçı alim Cəlal Əliyevin tövsiyələri və məsləhətləri sayəsində qazanılıb. Taxılçılıqla əlaqədar Bakıda keçirilən seminar-müşavirənin iştirakçıları bu il mayın 23-də təsərrüfatımızda olmuş, işimizdən razı qalmışlar. 100 hektar sahədə toxumluq taxıl yetişdirmişik. İlk nəticələr sevindiricidir. Hər hektarın məhsuldarlığı 55 sentinerdən artıqdır.
Bölmənin digər xəbərləri
