Elm və Təhsil Nazirliyinin tabeliyində üç elmi istehsalat birliyi ləğv edilib
Bakı, 8 dekabr, AZƏRTAC
Elm və Təhsil Nazirliyinin tabeliyindəki “Nafta”, “Aşqar” və “Kompozit” Elmi İstehsalat birlikləri ləğv edilib. Baş nazir Əli Əsədov bununla bağlı Qərar imzalayıb.
AZƏRTAC xəbər verir ki, Qərara əsasən, Elm və Təhsil Nazirliyi “Nafta”, “Aşqar” və “Kompozit” Elmi İstehsalat birliklərinin ləğv edilməsi ilə bağlı qanunvericiliyin tələblərinə uyğun olaraq zəruri tədbirlər görməli və nəticəsi barədə Nazirlər Kabinetinə məlumat verməlidir.
Elm və Təhsil Nazirliyi, İqtisadiyyat Nazirliyi, Ədliyyə Nazirliyi, Əmək və Əhalinin Sosial Müdafiəsi Nazirliyi, Maliyyə Nazirliyi və Azərbaycan Milli Elmlər Akademiyası bu Qərardan irəli gələn digər məsələləri qanunvericilikdə nəzərdə tutulmuş qaydada həll etməlidir.
Bölmənin digər xəbərləri
