Əlverişsiz hava şəraiti Türkiyənin Samsun bölgəsində problemlər yaradıb
Ankara, 22 avqust, AZƏRTAC
Avqustun 22-də gecə saatlarından başlayan güclü yağış Türkiyənin Samsun vilayətinin Çarşamba və Salıpazarı rayonlarında güclü sel və daşqın yaranıb.
AZƏRTAC xəbər verir ki, Çarşamba rayonundakı sənaye şəhərciyində yüzlərlə iş yeri, eləcə də rayondakı yaşayış evlərinin aşağı mərtəbələri su altında qalıb. Daşqın səbəbindən məhəllə yolları keçilməz hala düşüb. Keçidlərdə nəqliyyatın hərəkəti dayanıb.
Meteoroloqların məlumatına görə, Trabzon, Rize və Artvin daxil olmaqla bir neçə vilayətdə əlverişsiz hava şəraiti avqustun 23-dək davam edəcək. Sel və daşqın hadisələrinin baş verməsi ehtimalı böyükdür.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
