Əməkdar artist: Çox xoşbəxt bir xalqıq ki, bizim əvəzolunmaz bəstəkarlarımız, musiqiçilərimiz var
Bakı, 18 sentyabr, AZƏRTAC
Bu gün çox əlamətdar bir gündür, dahi bəstəkarımız, Azərbaycan musiqi mədəniyyətinin banisi Üzeyir Hacıbəylinin doğum günüdür. Biz çox xoşbəxt bir xalqıq ki, bizim möhtəşəm, əvəzolunmaz bəstəkarlarımız, musiqiçilərimiz var.
Bunu AZƏRTAC-a açıqlamasında Üzeyir Hacıbəyli adına Azərbaycan Dövlət Simfonik Orkestrinin bədii rəhbəri və baş dirijoru, Əməkdar artist Fuad İbrahimov bildirib.
1995-ci ildə Ulu Öndər Heydər Əliyevin Fərmanı ilə dahi bəstəkarın anadan olmasının 110 illik yubileyi ərəfəsində 18 sentyabrın Milli Musiqi Günü kimi qeyd olunmasının qərara alındığını bildirən dirijor hər kəsi bu əlamətdar günü münasibətilə təbrik edib.
Bölmənin digər xəbərləri
