Emin Əmrullayev elmi məhsulların təqdim edilməsi sahəsində olan problemlərə aydınlıq gətirib
Bakı, 11 dekabr, AZƏRTAC
Azərbaycanda elmi məqalələrin və elmi məhsulların sayı artır. Bu, elmi potensialın olduğunu göstərir.
AZƏRTAC xəbər verir ki, bunu elm və təhsil naziri Emin Əmrullayev Elm və Ali Təhsilin Beynəlmiləlləşməsi Forumunda deyib.
Nazir bildirib ki, elmi məhsulların effektiv təşkili və təqdim olunması sahəsində problemlər mövcuddur: "Bu, elmi məqalələrin beynəlxalq səviyyədə təsirini məhdudlaşdırır. Elmi fəaliyyətlər və nəticələr daha yaxşı strukturlaşdırılmalı və təqdim olunmalıdır. Məhsulun sayından çox, keyfiyyətinin artırılmasına üstünlük verilməlidir. Yerli alimlərin beynəlxalq elmi jurnallarda daha çox məqalə dərc etməsi üçün yeni təşviq mexanizmləri yaradılmalıdır”.
Nazirin fikrincə, Azərbaycan daxili qurumlar arasında əməkdaşlığın artırılmasına ehtiyac var: “Tədqiqat layihələri və təhsil proqramları üzrə inteqrasiya zəruridir. Yeni maliyyələşmə mexanizmləri, qrant proqramları və sponsorluq imkanlarının artırılması təklif olunur. Bu tədbirlər, tədqiqatların və ali təhsilin inkişafını sürətləndirə bilər”.
Bölmənin digər xəbərləri
