ƏR-RİYADDA TÖRƏDİLMİŞ TERROR AKTI NƏTİCƏSİNDƏ 10 NƏFƏR HƏLAK OLMUŞDUR
Azərbaycanın Səudiyyə Ərəbistanı Krallığındakı səfirliyindən AZƏRTAC-a bildirmişlər ki, aprelin 21-də saat 13.30 radələrində Ər-Riyad şəhərinin mərkəzi rayonlarından biri olan Ən-Nasıriyyədə terror aktı baş vermişdir. Partlayıcı maddə ilə yüklənmiş avtomobil təhlükəsizlik qüvvələrinin inzibati binalarından birinin önündə terrorçu-kamikadze tərəfindən partladılmışdır. Yerli televiziyanın verdiyi xəbərə görə, terror aktı nəticəsində 10 nəfər həlak olmuş, 60-dan 100-dək şəxs müxtəlif dərəcəli bədən xəsarəti almışdır. Ətraf binalara və vətəndaşların əmlakına ciddi ziyan dəymişdir.
Əldə etdiyimiz məlumata görə, Səudiyyə Ərəbistanındakı Azərbaycan vətəndaşları arasında zərər çəkən yoxdur.
Bölmənin digər xəbərləri
