ƏRƏB DÖVLƏTLƏRİ BİRLİYİ SUDANA QARŞI SANKSİYALAR TƏTBİQ EDİLMƏSİNİN ƏLEYHİNƏDİR

09.08.2004 [16:38]
Çap et
A⁺ A^-

AZƏRTAC Bi-Bi-Si-yə istinadla xəbər verir ki, Ərəb Dövlətləri Birliyi (ƏDB) Sudanın qərbində yerləşən Darfur bölgəsində ağır humanitar böhrana son qoymaq məqsədi ilə bu ölkəyə qarşı sanksiyalar tətbiq olunmasının və ya hərbi müdaxilə edilməsinin əleyhinədir. ƏDB-nin üzvü olan ölkələrin xarici işlər nazirləri Qahirədə çağırılmış fövqəladə müşavirədə “Cancavid” yaraqlılarının tərksilah olunması və insan hüquqlarının pozulmasına görə məsuliyyət daşıyan şəxslərin cəzalandırılması üçün rəsmi Xartumun təklif etdiyi tədbirləri dəstəkləmişlər.

ƏDB Birləşmiş Millətlər Təşkilatını böhranın aradan qaldırılması üçün Sudana daha çox vaxt verməyə çağırmışdır. Belə ki, iyulun 30-da BMT tərəfindən qəbul olunmuş qətnamədə Sudan hökumətinə xəbərdarlıq edilir ki, Darfurun qeyri-ərəb əhalisinə qarşı repressiyalara 30 gün ərzində son qoyulmasa, ölkəyə kənardan müdaxilə oluna bilər.

Xatırladaq ki, Darfurda böhran nəticəsində, təxminən 50 min adam öldürülmüş və bir milyondan çox insan daimi yaşayış yerlərindən didərgin salınmışdır.

ƏRƏB DÖVLƏTLƏRİ BİRLİYİ SUDANA QARŞI SANKSİYALAR TƏTBİQ EDİLMƏSİNİN ƏLEYHİNƏDİR

MÜƏLLİFLƏ ƏLAQƏ

Bölmənin digər xəbərləri