Ermənistan rəhbərliyi ölkədə yaranmış problemin həlli üçün məkrli və çirkin çıxış yolları axtarır
İstanbul, 2 sentyabr, AZƏRTAC
Son illər Ermənistan istər iqtisadi, istərsə də hərbi qüvvə olmaqla bir çox baxımdan ciddi problemlərlə üzləşir. Bunun ən əsası isə ölkə əhalisinin böyük hissəsinin yaşlılardan və uşaqlardan ibarət olmasıdır.
Bu fikirləri AZƏRTAC-a müsahibəsində türkiyəli hərbi ekspert Coşqun Başbuğ bildirib.
Ermənistanda yoxsulluq və işsizlik səbəbindən vətəndaşların xaricə üz tutması nəticəsində ölkə əhalisinin ildən-ilə azalmasının hökumətin üzləşdiyi ən böyük problemlərdən biri olduğunu vurğulayan ekspert deyib: “Hazırda ölkə rəhbərliyi yaranmış problemin həlli istiqamətində məkrli və çirkin çıxış yolları axtarır. Livanda baş vermiş partlayış da bu məkrli ideyaların həyata keçirilməsində ermənilər üçün bir fürsət oldu. Belə ki, Ermənistan hökuməti növbəti təxribata əl ataraq Livan ermənilərinin Azərbaycanın işğal olunmuş ərazilərinə - Dağlıq Qarabağ bölgəsinə yerləşdirilməsi barədə fikirlər irəli sürür. Bu, yolverilməzdir. Ermənistanın bu hərəkətləri beynəlxalq hüquqa və insan haqlarına ziddir. Lakin buna baxmayaraq, ermənilər öz təxribatçı əməllərini davam etdirirlər. Dünya ictimaiyyəti buna qarşı çıxmalıdır. Ermənilərin özbaşınalıqlarına son qoyulmalıdır”.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
