Ermənistanda koronavirusa yoluxanların sayı 100 min nəfərdən çoxdur
Tbilisi, 7 iyun, AZƏRTAC
Ermənistanda yeni növ koronavirusa yoluxanların real sayı 100 min nəfərdən çoxdur.
AZƏRTAC xəbər verir ki, bu barədə Ermənistanın baş naziri Nikol Paşinyan özünün “Facebook” səhifəsində yazıb.
Onun sözlərinə görə, yoluxma və ölümlər, eləcə də aparılan datoloji analizlərin nəticələri göstərir ki, əslində Ermənistanda COVID-19 virusuna yoluxanların real sayı 100 min nəfəri keçib.
Ermənistanın Səhiyyə Nazirliyinin məlumatına görə, ölkədə koronavirusa yoluxanların sayı son 24 saatda 766 fakt artaraq 13 min 130 nəfərə çatıb. Bu günədək 200 nəfər isə pandemiyanın qurbanı olub.
Qeyd edək ki, Nikol Paşinyan və onun ailəsi də koronavirusa yoluxub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
