Ermənistanda koronavirusa yoluxanların və virusdan ölənlərin sayı kəskin artıb
Tbilisi, 5 noyabr, AZƏRTAC
Ermənistanda koronavirusa yoluxanların və bu virusdan ölənlərin sayı yenidən artıb. Son sutka ərzində ölkədə daha 2 min 413 nəfərdə koronavirus aşkarlanıb.
AZƏRTAC xəbər verir ki, bu barədə məlumatı Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi yayıb.
Bildirilir ki, bununla da Ermənistanda virusa yoluxanların ümumi sayı 99 min 563-ə yüksəlib.
Ölkədə koronavirusdan ölənlərin sayı daha 28 fakt artaraq 1476-ya, digər səbəblərdən ölən koronavirus xəstələrinin sayı isə 390-a çatıb.
Hazırda Ermənistanda 37 min 562 aktiv koronavirus xəstəsi var.
Xatırladaq ki, əhalinin hər yüz min nəfərinə düşən yoluxma hallarının və ölüm sayına görə, Ermənistan MDB məkanında birinci yerdədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
