Ermənistanda pandemiya qurbanlarının sayı artıb
Tbilisi, 21 sentyabr, AZƏRTAC
Ermənistanda koronavirusa yoluxma və pandemiya qurbanlarının sayı yenidən artıb.
Son sutka ərzində bu ölkədə daha 121 nəfərdə koronavirus aşkarlanıb və 6 nəfər pandemiyanın qurbanı olub.
AZƏRTAC xəbər verir ki, bu barədə məlumatı Ermənistan səhiyyə nazirliyinin xəstəliklərə nəzarət və onların profilaktikası milli mərkəzi yayıb.
Bildirilir ki, bununla da Ermənistanda koronavirusa yoluxanların sayı 47 min 552-yə, pandemiya qurbanlarının sayı isə 936-ya yüksəlib.
Digər səbəblərdən ölən koronavirus xəstələrinin sayı isə 287 nəfərdir.
Hazırda ölkədə 3 min 692 aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
