ESLİ PROQRAMI TƏLƏBƏLƏRİN XARİCDƏ TƏHSİLİNİ DAVAM ETDİRMƏSİNƏ KÖMƏK GÖSTƏRİR

17.04.2004 [12:55]
Çap et
A⁺ A^-

AZƏRTAC-ın müxbiri xəbər verir ki, ABŞ-nın Vestern Kentuskiy Universitetindəki ingilis dili ikinci dil kimi (ESLİ) proqramın rəhbəri Qarry Gunderson və proqrama aid olan universitetlər üzrə səlahiyyətli müşavir Stiv Qastin aprelin 15-də Azərbaycan Dövlət İqtisad Universitetinin tələbələri ilə görüşmüşlər.

Görüşdə çıxış edənlər ESLİ proqramı barədə məlumat verərək bildirmişlər ki, bu proqram bakalavr və magistr dərəcəsi almaq istəyən tələbələrin ABŞ, Kanada, İngiltərə Universitetlərində təhsillərini davam etdirməsinə şərait yaradır. Proqramın əsas məqsədi tələbələrin təhsil haqqını mümkün qədər aşağı endirməkdən ibarətdir. Əgər İqtisad Universitetinin 2-ci kursunda təhsil alan tələbənin qiyməti yaxşıdırsa və o, bakalavr pilləsini yüksək qiymətlərlə bitiribsə universitetlərdəki təhsil haqqı ən aşağı səviyyəyə endirilə bilər. Bu proqrama uyğun olaraq bütün fakültələr və ixtisaslarda təhsil almaq mümkündür.

Sonra qonaqlar tələbələri maraqlandıran suallara cavab vermişlər.