Estoniyalı hücumçu: Artıq Azərbaycan millisini daha yaxşı tanıyırıq
Bakı, 9 fevral, AZƏRTAC
“Son seçmə mərhələdə bizə rəqib olan Azərbaycan və İsveçlə yenidən qarşılaşacağıq. Artıq hər iki komandanı daha yaxşı tanıyırıq”.
Bu sözləri AZƏRTAC-a açıqlamasında Estoniya millisinin və “Sumqayıt”ın futbolçusu Erik Sorqa UEFA Millətlər Liqasının püşkatmasını dəyərləndirərkən deyib.
24 yaşlı forvard çətin qrupa düşdüklərini bildirib: “Təəssüf ki, qrupumuzda yeganə yeni komanda Slovakiya seçməsidir. Çox istəyərdim ki, fərqli yığmalarla qarşılaşaq, amma əlimizdə olan budur. Çətin də olsa, mübarizə aparacağıq. Ruhdan düşmürük”.
Qeyd edək ki, Azərbaycan yığması Millətlər Liqasının C Divizionunda İsveç, Slovakiya və Estoniya seçmələri ilə birlikdə 1-ci qrupda yer alıb.
Bölmənin digər xəbərləri
