“EuroAZ” telekanalı “Azerspace-1” peyki üzərindən yayıma başlayıb
Bakı, 30 aprel, AZƏRTAC
Qafqazda yeganə peyk operatoru olan “Azərkosmos” ASC və “EuroAZ” kanalı arasında müqavilə imzalanıb. Müqaviləyə əsasən, Avropada yayımlanan ilk Azərbaycan kanalı “EuroAZ “ “Azerspace-1” peyki üzərindən yayıma başlayıb.
“Azərkosmos”dan AZƏRTAC-a verilən məlumata görə, kanalda əsasən əyləncə xarakterli və musiqi verilişləri, bədii və cizgi filmləri, seriallar nümayiş olunur. Kanal hazırda 11135/H/27500 tezliyi ilə yayımlanmaqdadır.
“Azerspace-1 peyki” 46° şərq uzunluğu orbital mövqeyində yerləşir və Avropa, Afrika, Yaxın Şərq, Qafqaz və Mərkəzi Asiya regionlarını əhatə edir. Ən azı 15 il müddətində orbitdə fəaliyyət göstərəcək peykin faydalı yükü 36 transponderdən ibarətdir.
Daha ətraflı məlumat www.azercosmos.az internet səhifəsində yerləşdirilib.
Bölmənin digər xəbərləri
