“Everton” komandasının 4 xalı geri qaytarılıb
Bakı, 26 fevral, AZƏRTAC
İngiltərə Premyer Liqasında maliyyə feyr-pley qaydalarını pozduğu üçün xalları silinən “Everton” klubunun cəzası yüngülləşib.
AZƏRTAC xarici mətbuata istinadən xəbər verir ki, Liverpul təmsilçisinin apellyasiya şikayətindən sonra komandanın dörd xalı geri qaytarılıb.
Bununla da “mavilər” turnir cədvəlində 17-ci pillədən 15-ci yerə yüksəlib.
Qeyd edək ki, Premyer Liqa rəhbərliyi ötən il noyabrın 17-də “Everton”un 10 xalını silib.
Bölmənin digər xəbərləri
