Fazil Hacıyev: Şəhidlərimizi ziyarətə gələndə elə bilirəm ki, hərb yürüşünə çıxmışam
Bakı, 20 yanvar, AZƏRTAC
1990-cı il yanvarın 19-dan 20-nə keçən gecə xalqımızın mərd oğul və qızları istiqlal uğrunda canlarından keçdilər. Nəinki mənim, bütün xalqımızın Şəhidlər xiyabanına axınının əsas səbəbi budur. Mən burada şəhidlərimizi ziyarətə gələndə elə bilirəm ki, hərb yürüşünə çıxmışam.
Bu sözləri AZƏRTAC-a müsahibəsində Vətənin azadlığı və suverenliyi uğrunda canlarından keçmiş Azərbaycanın oğul və qızlarının əziz xatirəsini yad etmək üçün Şəhidlər xiyabanına gələn, təqaüddə olan prokuror Fazil Hacıyev söyləyib.
F.Hacıyev deyib: “Hesab edirəm ki, Azərbaycanın haqq yolunda canlarından keçən şəhidlər daim xatırlanacaq. Sovet imperiyasının hərbi birləşmələri öz azadlığı və istiqlalı yoluna çıxmış bir xalqa qarşı görünməmiş vəhşilik və qətl törədib. 20 Yanvar yüzlərlə günahsız insanın məhvinə səbəb olan qanlı hadisədir. Lakin bizim cəsarətimizi və əzmimizi sındıra bilmədilər. Bu hadisələrə ilk dəfə siyasi qiymət ümummilli lider Heydər Əliyev tərəfindən verilib”.
Bölmənin digər xəbərləri
